小畫家

量量愛做功課,其中一個原因是因為喜歡畫畫!

 

但係現在的功課真係一分鐘做完,於是媽媽唯有加"功課"!

呢啲畫冊以前哥哥時買落好多,宜家就大派用埸!

 

小鬼又真係好有心機畫,已經不是塗鴉了!

 

講開畫畫,哥哥都好鍾意,不過可惜那時候哥哥手指肌肉無量量宜家咁靈活,

畫完都係花面貓咁,而且哥哥好有自己想法,

好鍾意加啲自己嘅嘢落去,所以要跟住嚟畫嘅畫冊就吾多啱哥哥!

 

不過量量就好啱畫,量量鍾意轉顏色,油到無出界又會好開心!

 

量量專心畫畫嘅樣子真係好吸引!

 

佢自己對於自己嘅畫功都好欣賞!

成日話出咗界少少咋,好靚呀!

 

睇下佢個樣幾開心!

 

所以媽媽都好鍾意同量量畫畫,

一來佢開心,二來量量可以坐定定好耐畫畫,吾駛看馬騮!

 

成品都真係吾錯架,用色大膽,鮮艷活潑,仲好有創意!

 

心理學家話畫作可以看出人嘅性格!

 

我信架!

 

開朗大膽的量量,畫裡面嘅人都係眼大大,笑容燦爛,顏色鮮艷的!

 

而哥哥小時間,好靜好細膽,佢就好鍾意用深沈嘅顏色,人物嘅眼都係細細,笑容就只係好有點點!

 

不過宜家哥哥人開朗了,話多了,畫嘅畫都是好光亮的!

 

希望家裡嘅畫會越來越鮮艷,更多笑容,更多陽光!