獨立

現在的小朋友要幾叻有幾叻,

但說到自理呢?真是差一點!

講真,教小朋友自理真是辛苦過幫佢做!

食飯天一半,地一半!

洗手又成地濕!

著件衫著成個鐘都係錯晒!

但是媽媽真是接受不到咁大個仔仲要人餵,

仲要人幫手去廁所,

仲吾識著鞋,又吾識著襪!

不過有姐姐的家庭真係有點麻煩,

無論你點講都係會幫小朋友做晒啲嘢!

所以都係要壞人媽媽出場!

所以在沒有姐姐的兩個月裡,兩兄弟變得獨立好多!

自己著衫,食飯沖涼!

不過新姐姐一到,兩個大少即係懶晒!

真係吾駛教,即刻可以自動配合姐姐的出現!

於是雖然姐姐來了,媽媽都要跟出跟入,

為的不是怕姐姐偷懶,反而是怕姐姐太勤力!

好彩哥哥怕俾人鬧,

細佬又成日想扮大個,樣樣都想自己做!

跟住媽媽都要不斷同姐姐洗腦,

希望兩兄弟不會成為港孩,

可以自己照顧自己,做個獨立的孩子!

合奏



Kiu Bee每天也要練琴,

 

量量看在眼裡都要學哥哥練琴!

 

對著樂譜,跟著節奏,

 

真是有板有眼的!

 

雖然哥哥未可以教量量彈琴,不過都可以做一個好示範!



還可以一起合奏!

 

雖然是亂彈一通,不過好有姿勢的!

 

不知何時兩兄弟真的可以合奏一曲呢!

電話粥



媽媽小時候都會煲下電話粥,

 

主要都係拍拖時啦!

 

不過現在很少了,無時間,無精神!

 

而我家兩個少爺都吾鍾意講電話,

 

爸爸就更不用說啦!

 

所以我家一個月講電話的分鐘應該不會多於100!

 

不過,吾鍾意講電話,吾代表吾鍾意玩電話!

 

量量好鍾意,好鍾意扮講電話!

 

所以不時會見到有人拿著各式各樣的物件在自言自語!

 

有時候拿著真電話在"傾",

 

初初以為量量真係同人講緊,

 

點知十次有九次都係"流"嘅!

 

 

而且量量扮得好似,

 

有招呼語,有表情,有不同語氣,有停頓,

 

仲有"咁好啦,下次再講,拜拜"!

 

再加上這個歎世界煲電話粥樣,

 

又點會吾以為係真呢?!

 

 

 

 



舞王



量量超愛唱歌跳舞,

 

而且唱得投入,跳舞忘我,

 

每次見到量量跳舞都忍吾住要拍低,

 

得閒睇下,真係好好笑!

 

那忘我投入又獨特的自創舞姿真係笑死人!



 

而且絕不是"我是一個大蘋果"那種可愛天真舞蹈!

 

應該點形容呢?

 

睇下你就明!

 





小幫工



 

沒有姐姐幫手這兩個月, 媽媽做了咁多年人裡面最多的家務,

家務是沒有做完的一日,所以只可以提供有限度服務,

幸好,媽媽也不是孤軍作戰,

爸爸也幫手分擔了一些,

最重要是兩兄弟也自己的事自己做,

 

 在媽媽監督和無人幫手下,哥哥自己能力可以做到的一定要自己做!

刷牙洗面換衫吾駛講,搵衫,摺衫,準備早餐沖涼......都要自己做,

已經幫到媽媽好多,

而最好的是哥哥也可以幫手照顧細佬,

做下小跑腿拿東西,看住細佬,幫細佬洗手....

雖然只係好有限,不過媽媽都好開心,

一來叫做幫下手,二來兩兄弟互相照顧好sweet!

 

 有爸爸和哥哥幫手照顧量量,媽媽都叫做有個時間食啲嘢,去個廁所,

而量量又好乖,可能見哥哥樣樣自己做,

量量也要有樣學樣,

換衫,刷牙,洗面,唧牙膏要自己做,連未識做都要自己做,

於是媽媽爸爸要看實這個小朋友,

否則就會自己企上凳仔拿東西,自己開雪櫃放果汁,自己洗手,自己倒水飲....

不過願意獨立是好事,所以一方面要管制,另一方面都好鼓勵量量!

所以媽媽都會讓喜歡做小幫手的量量做下家務!

於是Choco每天的晚餐就由細細佬負責了!
 

掃地也可以幫幫手!

 

 

雖然姿勢有點似打golf!

 

 

不過講到量量最愛幫手的家務就是收衫和摺衫了!

 

見到花園有衫就一定出手!

 

 

都幾似模似樣的!

 

暫時量量還是好熱衷的,長大一點可能就不同了!

 

看哥哥現在,你叫也會幫幫手,否則.....

 

不過媽媽不要你們做"港孩",

 

所以吾駛諗住有姐姐就嘜都吾駛做,

 

自己的事自己做!!!!!!

 



 

那些年

近來好累,要"的"起心肝寫BLOG都難!

 

不過有件事不可不做,

 

就是download YAHOO的舊BLOG,

 

於是多累還是要做(其實已經拖了一個月),

 

就在download時重溫了以前的blog,以前的相片,

 

那些年的Kiu Bee都好BB,好可愛,

 

其實細佬跟哥哥小時候的神態表情是好相似的,呵呵!

 

 

 

 

 

 

 

 

 

 

 

 都一樣有個包包面喔!

 

 

收成

電視劇嘅打仗慘情戲,成日都話食蕃薯,等我以為蕃薯好易種,

 

原來易種嘅只係蕃薯葉,

 

真係生生不息,長食長有,不過蕃薯呢.......

 

後來才知道原來問題就係呢道,

 

多蕃薯葉就無蕃薯,因為會搶晒啲營養,

 

上次決定放棄,一次過起晒啲蕃薯同蕃薯葉出嚟,得啲好細個蕃薯,

 

有好多細到食吾到,但掉咗佢又好"可憐"咁,

 

於是就放咗入盤種,無得貼住地下,啲葉又真係吾多生長,

 

於是半年後,終於有妖成喇!

 

當然小農夫量量又要出動啦!

 

而且仲係佢最鍾意嘅sweet potato喎!



小心翼翼,睇下!

 

真係有蕃薯!(當然事前媽媽是檢查過啦!)

 

兩個中只有一個仲係好細,可能一盤只夠一個嘅養分!

 

不過大嗰個都幾大架!

 

親手掘到蕃薯嘅量量好開心,

 

已經講好第二日要食!

 

哥哥做功課無做農夫,

 

不過吾緊要,哥哥吾多介意無份掘,只會介意無份食,

 

講明第二日要等埋佢先食!

 

於是第二日嘅下午茶有著落喇!

 

Yum Yum Yum!

 

Pizza大胃王

上一個星期日，我們才吃了外賣pizza做晚餐,

 

今個星期,問兩兄弟,晚餐想食什麼,

 

量量居然又係話pizza!

 

既然係咁,不過自己整啦!

 

知道有得食又有得自己整pizza,兩兄弟即刻乖晒,

 

媽媽話點就點!

 

仲一早洗定手仔,坐定定等整pizza!

其實兩兄弟都係當整pizza都係當玩泥膠咁!

 

整好咗就好滿足,

 

仲真係覺得自己整得好靚!

 

哥哥重視外形多啲,次次都放好少餡料,

 

今次仲話要整芝心派!

 

量量就吾同喇!

 

仲緊要多料,加完一層又一層,好似自助沙律bar咁,

 

吾係我制止住,量量真係會加晒所以料!

 

咁媽媽嗰個就梗係負責清剩餘物資!

 

剩低嘅全部放晒落去!

 

今次好多料,yummy!

 

食得,自食其果!

 

量量嗰塊好似佢塊面咁大!

 

 

吾好以為佢哋眼闊肚窄,

 

食得晒架,

 

食完仲話吾夠,仲要食多啲,又飲埋粟米湯!

 

所以叫佢哋Pizza大胃王真係當之無愧!

 

 

沈默抗議



量量算是一個脾氣好的小孩子,

 

只要有得食,有得玩,就嘜都得,

 

最厲害嘅係吾會扭眼訓,一句"我好眼訓",就會乖乖拖住你去訓覺!

 

當然同哥哥爭玩具時都可以好惡,點都要攞番個彩!

 

不過偶爾量量都會耍下脾氣的,

 

佢好得意,如果係明知自己吾啱,例如吾肯食飯,吾肯沖涼咁,

 

雖然俾人鬧,但係佢吾會扭,只會沈默抗議!

 

你點話佢,氹佢都吾會理你,

 

直頭望都吾想望你!

 

如果你仲堅持"鵝"佢,走近啲佢,佢就會背住你,

 

擺到明係嬲,但係又無可奈何咁!

 

無辦法啦!

 

量量心裡明白,媽媽係吾會因為有人扭計就妥協,

 

但要佢自己妥協又好吾憤氣!

 

見到佢呢個心有不甘個樣就好笑!

 

 

咁通常點收科呢?

 

既然量量心裡明白自己係鬥吾嬴媽媽,

 

通常幫佢諗個下台階就可以喇!

 

例如讚下佢其他嘢,攬下佢,佢就會順番條氣,

 

你話食飯就食飯,沖涼就沖涼!

 

好易話為架!