沈默抗議



量量算是一個脾氣好的小孩子,

 

只要有得食,有得玩,就嘜都得,

 

最厲害嘅係吾會扭眼訓,一句"我好眼訓",就會乖乖拖住你去訓覺!

 

當然同哥哥爭玩具時都可以好惡,點都要攞番個彩!

 

不過偶爾量量都會耍下脾氣的,

 

佢好得意,如果係明知自己吾啱,例如吾肯食飯,吾肯沖涼咁,

 

雖然俾人鬧,但係佢吾會扭,只會沈默抗議!

 

你點話佢,氹佢都吾會理你,

 

直頭望都吾想望你!

 

如果你仲堅持"鵝"佢,走近啲佢,佢就會背住你,

 

擺到明係嬲,但係又無可奈何咁!

 

無辦法啦!

 

量量心裡明白,媽媽係吾會因為有人扭計就妥協,

 

但要佢自己妥協又好吾憤氣!

 

見到佢呢個心有不甘個樣就好笑!

 

 

咁通常點收科呢?

 

既然量量心裡明白自己係鬥吾嬴媽媽,

 

通常幫佢諗個下台階就可以喇!

 

例如讚下佢其他嘢,攬下佢,佢就會順番條氣,

 

你話食飯就食飯,沖涼就沖涼!

 

好易話為架!