電視劇嘅打仗慘情戲,成日都話食蕃薯,等我以為蕃薯好易種,
原來易種嘅只係蕃薯葉,
真係生生不息,長食長有,不過蕃薯呢.......
後來才知道原來問題就係呢道,
多蕃薯葉就無蕃薯,因為會搶晒啲營養,
上次決定放棄,一次過起晒啲蕃薯同蕃薯葉出嚟,得啲好細個蕃薯,
有好多細到食吾到,但掉咗佢又好"可憐"咁,
於是就放咗入盤種,無得貼住地下,啲葉又真係吾多生長,
於是半年後,終於有妖成喇!
當然小農夫量量又要出動啦!
而且仲係佢最鍾意嘅sweet potato喎!
小心翼翼,睇下!
真係有蕃薯!(當然事前媽媽是檢查過啦!)
兩個中只有一個仲係好細,可能一盤只夠一個嘅養分!
不過大嗰個都幾大架!
親手掘到蕃薯嘅量量好開心,
已經講好第二日要食!
哥哥做功課無做農夫,
不過吾緊要,哥哥吾多介意無份掘,只會介意無份食,
講明第二日要等埋佢先食!
於是第二日嘅下午茶有著落喇!
Yum Yum Yum!
沒有留言:
張貼留言