早餐約會

Y媽好重視吃早餐,通常吾會食個包就算,不過自從做咗FTM,好多時都會陪兩隻小鬼喺屋企食個簡單早餐,不過一到放假,天氣又好的時候,就會好想好想同佢哋出去拍拖食早餐!

以前都只不過係哥哥放假時同哥哥拍拖食早餐,因為無嘜信心一個帶兩個,(如果等爸爸起身先去,就變午餐),但現在哥哥細佬都長大了,細佬可以行定定,坐定定,哥哥可以自己照顧自己,甚至照顧細佬,看住一陣,所以一有機會就會出去歎個早餐!

以前同哥哥拍拖,現在三人行,成日一字排開阻住晒,叫哥哥自己行,兩兄弟又鍾意拖住手,咁唯有俾兩兄弟拖住,吾理媽媽啦!

吾知係因為空氣好,一或係因為訓醒精神好,心情又好,次次去食早餐,佢哋都好開心,又好乖,兩個手拖手,sweet到不得了!



而且次次都要影相,連平時吾鍾意影相的哥哥都會笑晒又搶鏡!









兩兄弟最鍾意去飲"咖啡",一杯榛子奶加少少朱古力粉兩個人分,再加個bagel,已經是天下美味!

仲有音樂陪襯,每次都有人聞歌起舞!



爸爸成日問點解吾訓晏啲,點解吾休息下,一個帶兩個咁辛苦,呢個就係原因,這個早餐約會真係又sweet又開心,吾係只係為一杯咖啡!

而且有表演睇架!