I ♡ U ???

學下人講多啲我愛你

講下講下

兩兄弟又不停同我講

好sweet

跟住哥哥就開始畫畫畫喇

登登登櫈

好多 I LOVE U 呀

連量量都畫埋一份

寫了人生第一個 I LOVE U

I

你話冧吾冧?

我真係好開心架收到啲情人卡

點知......

Kiu Bee話呢啲吾係情人卡

係

愚人節卡!!!!!

衰豬咁坦白

可吾可以呃我一世呀?!

兒童瑜伽

爸爸買了一本瑜伽書,

想跟著做做舒展下,

但估不到有興趣的不單是爸爸!

還有兩隻小嘩鬼!

他們一天到晚拿著書跟著做動作

仲要叫人 : 媽咪,你睇下我....

但啲動作真係笑鬼死人

最好笑係人哋預備企直直

最後relax訓喺道的姿勢都跟住做

仲要大大聲話自己做緊瑜伽

而且仲背熟了招式的名字

什麼山式,立式......

見到兩個咁投入真係好笑

郁動下都好

暫時兩個星期了都還好享受

希望不要三分鐘熱度啦!

怕羞草

不要以為有花園,家裡一定種有很多植物

因為我真是植物殺手

明明好好地的,一到我手

非死即傷!

所以家裡植物不多!

但我每次看到可愛的盆栽又會忍不住手!

今次可能又遭毒手的是怕羞草!

小時候,怕羞草四處可見

記得我家附近有一處地方也長了怕羞草

每次經過也會玩一輪才走

但現在要看到怕羞草就難得多

Kiu Bee第一次也是唯一一次看到怕羞草的地方

就是濕地公園

量量更是從沒見過

所以當他們一見到怕羞草會"怕羞"時

都很興奮

一有機會就要跟怕羞草"握下手"

弄得怕羞草時常無面見人

這樣下去,今次不是死在我手

是兩兄弟辣手催草

幸好兩兄弟尚算斯文

希望小草生命力強,可以生生不息

火車"動"物館

終於終於我哋又去了量量最愛的火車"動"物館

因為有迪士尼年票

一放假就想去玩

所以很久沒到到火車博物館

不過對上一次去迪士尼

量量居然連小小世界都話驚，吾想再玩

於是火車動物館就可以入到 to do list喇!

其實只係哥哥放假

不過咁難得，量量逃學都要去玩下啦!

(吾好話我呀!電都學到嘢架) 

我都吾知點解佢哋咁鍾意

每次麵吾捨得走

明明15分鐘行得完嘅博物館

兩兄弟可以玩一個鐘都吾願走

其實都係喺火車上跑下坐下

行下路軌,睇下模型

玩完一次又玩一次,總之吾願走

好彩除了玩,兩兄弟還有一個最愛

就係食

話去食嘢即刻跟住走

事後我再問量量下次去廼士尼定再去火車博物館

量量都係揀火車動物館

同埋量話火車動物館內真係有動物

就係豬喇!

但係我真係見吾到囉!

下次去一定要佢指俾我睇先得!

獨立

現在的小朋友要幾叻有幾叻,

但說到自理呢?真是差一點!

講真,教小朋友自理真是辛苦過幫佢做!

食飯天一半,地一半!

洗手又成地濕!

著件衫著成個鐘都係錯晒!

但是媽媽真是接受不到咁大個仔仲要人餵,

仲要人幫手去廁所,

仲吾識著鞋,又吾識著襪!

不過有姐姐的家庭真係有點麻煩,

無論你點講都係會幫小朋友做晒啲嘢!

所以都係要壞人媽媽出場!

所以在沒有姐姐的兩個月裡,兩兄弟變得獨立好多!

自己著衫,食飯沖涼!

不過新姐姐一到,兩個大少即係懶晒!

真係吾駛教,即刻可以自動配合姐姐的出現!

於是雖然姐姐來了,媽媽都要跟出跟入,

為的不是怕姐姐偷懶,反而是怕姐姐太勤力!

好彩哥哥怕俾人鬧,

細佬又成日想扮大個,樣樣都想自己做!

跟住媽媽都要不斷同姐姐洗腦,

希望兩兄弟不會成為港孩,

可以自己照顧自己,做個獨立的孩子!

合奏



Kiu Bee每天也要練琴,

 

量量看在眼裡都要學哥哥練琴!

 

對著樂譜,跟著節奏,

 

真是有板有眼的!

 

雖然哥哥未可以教量量彈琴,不過都可以做一個好示範!



還可以一起合奏!

 

雖然是亂彈一通,不過好有姿勢的!

 

不知何時兩兄弟真的可以合奏一曲呢!

電話粥



媽媽小時候都會煲下電話粥,

 

主要都係拍拖時啦!

 

不過現在很少了,無時間,無精神!

 

而我家兩個少爺都吾鍾意講電話,

 

爸爸就更不用說啦!

 

所以我家一個月講電話的分鐘應該不會多於100!

 

不過,吾鍾意講電話,吾代表吾鍾意玩電話!

 

量量好鍾意,好鍾意扮講電話!

 

所以不時會見到有人拿著各式各樣的物件在自言自語!

 

有時候拿著真電話在"傾",

 

初初以為量量真係同人講緊,

 

點知十次有九次都係"流"嘅!

 

 

而且量量扮得好似,

 

有招呼語,有表情,有不同語氣,有停頓,

 

仲有"咁好啦,下次再講,拜拜"!

 

再加上這個歎世界煲電話粥樣,

 

又點會吾以為係真呢?!